Khutbah Jumat Bahasa Sunda: Bullying Lain Heureuy Biasa

KOMPAS.com — Perundungan atau bullying tidak boleh dianggap sebagai candaan biasa. Ucapan yang menghina, ejekan, hingga kekerasan fisik dapat melukai korban dan mengganggu kehidupannya.

Naskah khutbah Jumat ini mengingatkan pentingnya peran orangtua, guru, dan masyarakat dalam mendidik anak agar menghormati sesama serta menjaga lisan dan perbuatan.

Melalui khutbah berbahasa Sunda berikut, Ustadz Muhammad Aiz Luthfi, pengajar di Pesantren Al-Mukhtariyyah Al-Karimiyyah Subang, Jawa Barat, mengajak umat Islam melindungi anak dari perundungan dengan menanamkan nilai silih asah, silih asih, silih asuh.

Baca juga: Khutbah Jumat Terbaru: Jangan Abai terhadap Penderitaan Korban Karhutla

Berikut naskah khutbah tentang menjaga anak dari perundungan, dikutip dari NU Online.

Khutbah I

الْحَمْدُ لِلّٰهِ الَّذِيْ أَمَرَنَا بِحِفْظِ الْأَلْسِنَةِ وَنَهَانَا عَنِ الْأَذَى وَالِاسْتِهْزَاءِ. أَشْهَدُ أَنْ لَا إِلٰهَ إِلَّا اللّٰهُ وَحْدَهُ لَا شَرِيكَ لَهُ، وَأَشْهَدُ أَنَّ سَيِّدَنَا مُحَمَّدًا عَبْدُهُ وَرَسُولُهُ. اللّٰهُمَّ صَلِّ وَسَلِّمْ وَبَارِكْ عَلَىٰ سَيِّدِنَا مُحَمَّدٍ، وَعَلَىٰ آلِهِ وَأَصْحَابِهِ أَجْمَعِينَ، أَمَّا بَعْدُ، فَيَا عِبَادَ اللّٰهِ، أُوصِيكُمْ وَإِيَّايَ بِتَقْوَى اللّٰهِ، فَقَدْ فَازَ الْمُتَّقُونَ. وَقَالَ اللّٰهُ تَعَالَى فِي كِتَابِهِ الْكَرِيمِ: يَا أَيُّهَا الَّذِينَ آمَنُوا لَا يَسْخَرْ قَوْمٌ مِنْ قَوْمٍ عَسَىٰ أَنْ يَكُونُوا خَيْرًا مِنْهُمْ

Hadirin rahimakumullah,

Alhamdulillah, urang sami-sami panjatkeun puji kalayan syukur ka Allah SWT nu parantos maparin mang rupi-rupi rahmat, ni’mat, sareng kasempetan sahingga urang sadayana tiasa nyumponan kawajiban salaku umat Islam nyaeta ngalaksanakeun ibadah shalat Jumat.

Shalawat sareng salam mugia salawasna ngocor ka jungjunan urang sadaya, Nabi nu pang mulyana, nyaeta Kangjeng Nabi Muhammad SAW, tur ka kulawargina, para sahabatna, sareng mugia dugi ka urang salaku umatna.

Dina ieu kasempetan, khotib teu weleh ngawasiatan ka pribadi miwah ka jama’ah Jum’ah sadayana, hayu urang sami-sami ningkatkeun kaimanan oge katakwaan ka Alloh swt, malah mandar urang tiasa ngahontal rohmat oge rido Mantenna.

Hadirin rahimakumullah,

Sababaraha waktos kapengker, rame dibewarakeun yen aya kajadian barudak anu ngaaniaya babaturana. Boh ku ucapan anu nyeri, ku tulisan nu ngahina, bahkan nepi ka aya anu digebugan. Fenomena ieu mineng disebut bullying atanapi perundungan.

Bullying ulah dianggap heureuy biasa sabab dampakna bisa lewih beurat pikeun korban, di antawisna jadi minder, sieun, stres, bahkan nepi ka ngaruksak kasehatan mental sareng masa depanna.

Sementara pelaku oge bakal nanggung dosa, sabab ngahina jeung nganyenyeri batur teh dilarang pisan ku agama. Ieu kaayaan tangtos janten pangeling-ngeling pikeun urang sadaya, utamina salaku kolot, guru, sareng anggota masarakat, yen ngadidik murangkalih sanes ukur ngajarkeun elmu pangaweruh, tapi oge ngawangun akhlak sareng sikepna dina kahirupan sapopoe.

Murangkalih urang kedah dididik sangkan tiasa silih hormat, ngajenan sasama, sareng ngajaga omonganana, supados henteu nganyenyeri atanapi ngarendahkeun batur. Dina hal ieu, Allah SWT parantos maparin pituduh ka urang sadaya dina Al-Qur’an, di antarana dina surat Al-Hujurat ayat 11:

يٰٓاَيُّهَا الَّذِيْنَ اٰمَنُوْا لَا يَسْخَرْ قَوْمٌ مِّنْ قَوْمٍ عَسٰٓى اَنْ يَّكُوْنُوْا خَيْرًا مِّنْهُمْ وَلَا نِسَاۤءٌ مِّنْ نِّسَاۤءٍ عَسٰٓى اَنْ يَّكُنَّ خَيْرًا مِّنْهُنَّ ۚ وَلَا تَلْمِزُوْٓا اَنْفُسَكُمْ وَلَا تَنَابَزُوْا بِالْاَلْقَابِ ۗ بِئْسَ الِاسْمُ الْفُسُوْقُ بَعْدَ الْاِيْمَانِ ۚ وَمَنْ لَّمْ يَتُبْ فَاُولٰۤىِٕكَ هُمُ الظّٰلِمُوْنَ

Hartosna:

“Hei jalma-jalma anu ariman, ulah ngahina hiji golongan ka golongan sejen, sabab bisa jadi golongan anu dihina teh leuwih hade tibatan golongan anu ngahina. Kitu deui, awewe ulah ngahina ka awewe sejen, sabab bisa jadi awewe anu dihina teh leuwih hade tibatan awewe anu ngahina. Ulah silih cela jeung ulah silih nyebut ku landihan anu goreng. Goreng pisan nyebut jalma anu geus ariman ku sebutan fasik. Saha wae anu henteu tobat, nya maranehna kaasup jalma-jalma anu zalim.”

Hadirin rahimakumullah, Ngenaan ayat nembe, Imam Ibnu Katsir dina kitab Tafsir Al-Qur’an al-Azhim (KSA, Daru Thayyibah: 1997), juz 7, kaca 376 ngajelaskeun yen saenyana Gusti Allah ngalarang kalakuan silih ngahina jeung moyokan ka papada manusa. Bahkan dina hiji riwayat disebatkeun yen Kangjeng Nabi bendu ka sahabat nu nyebat ka babaturana ku aran nu goreng.

Anjeuna ngadawuh:

اَلْكِبْرُ بَطَرُ الْحَقِّ وَغَمْصُ النَّاسِ

Hartosna, “Kasombongan teh nyaeta nampik kabeneran jeung ngaremehkeun manusa.” (HR Muslim)

Ku kituna, ngahina jeung ngaremehkeun batur teh kaasup kana kasombongan. Dina ajaran Islam, sikap sapertos kieu hukumna haram, sabab bisa jadi jalma anu dihina teh justru miboga kalungguhan anu leuwih luhur di sisi Allah, sarta leuwih dipikacinta ku Mantenna tibatan jalma anu ngahina jeung moyokanana.

Hadirin rahimakumullah,

Salian ti eta, ajaran Islam oge ngalarang urang nganyenyeri ka papada manusa boh ku omongan atanapi kalakuan. Hal ieu sakumaha dijelaskeun dina Al-Qur’an surat Al-Ahzab ayat 58:

وَالَّذِيْنَ يُؤْذُوْنَ الْمُؤْمِنِيْنَ وَالْمُؤْمِنٰتِ بِغَيْرِ مَا اكْتَسَبُوْا فَقَدِ احْتَمَلُوْا بُهْتَانًا وَّاِثْمًا مُّبِيْنًا

Hartosna, “Jalma-jalma anu nganyenyeri mukminin jeung mukminat tanpa kasalahan anu dilakukeun, maka saestuna maranehna geus nanggung fitnah jeung dosa anu nyata.”

Ngenaan ayat ieu, Imam Al-Qurthubi dina kitab Al-Jami' li Ahkamil Quran, (Beirut, Muassasah Ar-Risalah: 2006) juz 17, kaca 226, ngejelaskeun nganyenyeri mukminin/mukminat tiasa ku ucapan atanapi tindakan nu awon, di antawisnya nyaeta ngahina, moyokan, ngarendahkeun martabat batur, mitnah, jeung sajabana. Pokona mah, sadaya hal nu matak nganyenyeri batur boh ku lisan, panangan, atanapi anggota badan nu sanesna eta teh hukumna haram.

Rasulullah Saw oge tos ngelingan ka urang sadayana yen sakabeh muslim teh dulur urang sararea, dina salah sawios hadits Kangjeng Nabi ngadawuh:

الْمُسْلِمُ أَخُو الْمُسْلِمِ لَا يَظْلِمُهُ وَلَا يَخْذُلُهُ وَلَا يَحْقِرُهُ

Hartosna:

“Muslim anu hiji jeung muslim sejenna teh sadulur. Henteu meunang nganyenyeri, ngaremehkeun, atawa ngahina.” (HR Muslim)

Hadirin rahimakumullah,

Tina katerangan ayat Al-Quran sareng hadits tadi, eces pisan yen Islam teh ngajarkeun urang sangkan ngajaga diri tina sagala rupa kalakuan anu matak nganyenyeri ka papada manusa. Ku kituna, kalakuan bullying teu tiasa dianggap jadi heureuyna barudak, sabab ngahina, moyokan, sareng nganyenyeri batur teh kalebet kalakuan anu dilarang ku agama.

Dina kaayaan sapertos kieu, urang salaku kolot, guru, sareng anggota masarakat ngagaduhan tanggung jawab pikeun mikanyaah ku cara ngadidik sareng ngabimbing murangkalih urang, di antawisna nyaeta dipasihan pamahaman yen unggal jalma wajib dihargaan, teu meunang ngahina fisikna, kulawargana, atanapi hal-hal sanes anu aya dina dirina.

Murangkalih urang kedah dididik ti leuleutik sangkan tiasa silih asah, silih asih, silih asuh. Upami kaleresan aya anu jadi korban, anjeuna kudu dibela sareng dibimbing. Upami aya anu jadi pelaku, kudu dinasehatan tur dibimbing ngarah daek tobat jeung teu ngulangi deui kasalahanana.

Hadirin rahimakumullah,

Hayu urang sami-sami ngajaga murangkalih urang, ulah nepi ka aranjeunna jadi pelaku atawa korban bullying. Mugi-mugi murangkalih urang sadayana sing janten jalmi anu soleh/solehah, garaduh elmu nu manfaat, tur jadi generasi hebat nu ngagaduhan akhlak mulya. Amiin ya rabbal alamin….

بَارَكَ اللّٰهُ لِيْ وَلَكُمْ فِي الْقُرْآنِ الْعَظِيْمِ، وَنَفَعَنِيْ وَإِيَّاكُمْ بِمَا فِيْهِ مِنَ الْآيَاتِ وَالذِّكْرِ الْحَكِيْمِ، وَتَقَبَّلَ مِنِّيْ وَمِنْكُمْ تِلَاوَتَهُ، إِنَّهُ هُوَ السَّمِيْعُ الْعَلِيْمُ. أَقُوْلُ قَوْلِيْ هٰذَا، وَأَسْتَغْفِرُ اللّٰهَ الْعَظِيْمَ لِيْ وَلَكُمْ، وَلِسَائِرِ الْمُسْلِمِيْنَ وَالْمُسْلِمَاتِ، فَاسْتَغْفِرُوْهُ، إِنَّهُ هُوَ الْغَفُوْرُ الرَّحِيْمُ

Khutbah II

الْحَمْدُ لِلّٰهِ رَبِّ الْعَالَمِينَ، أَحْمَدُ رَبِّي وَأَشْكُرُهُ عَلَى فَضْلِهِ الْمُبِينِ، وَأَشْهَدُ أَنْ لَا إِلٰهَ إِلَّا اللّٰهُ وَحْدَهُ لَا شَرِيكَ لَهُ، الْقَوِيُّ الْمَتِينُ، وَأَشْهَدُ أَنَّ نَبِيَّنَا وَسَيِّدَنَا مُحَمَّدًا عَبْدُهُ وَرَسُولُهُ، الْمَبْعُوثُ رَحْمَةً لِلْعَالَمِينَ، اَللّٰهُمَّ صَلِّ وَسَلِّمْ وَبَارِكْ عَلَى سَيِّدِنَا مُحَمَّدٍ، وَعَلَى آلِهِ وَأَصْحَابِهِ، وَمَنْ تَبِعَهُمْ بِإِحْسَانٍ إِلَى يَوْمِ الدِّيْنِ. أَمَّا بَعْدُ، فَيَا أَيُّهَا الْحَاضِرُوْنَ رَحِمَكُمُ اللّٰهُ، أُوْصِيْكُمْ وَإِيَّايَ بِتَقْوَى اللّٰهِ وَطَاعَتِهِ، فَإِنَّ تَقْوَى اللّٰهِ خَيْرُ زَادٍ لِلْعَبْدِ فِي الدُّنْيَا وَالْآخِرَةِ إِنَّ اللّٰهَ وَمَلَائِكَتَهُ يُصَلُّوْنَ عَلَى النَّبِيِّ، يَا أَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا. اَللّٰهُمَّ صَلِّ عَلَى سَيِّدِنَا مُحَمَّدٍ، وَعَلَى آلِ سَيِّدِنَا مُحَمَّدٍ، كَمَا صَلَّيْتَ عَلَى سَيِّدِنَا إِبْرَاهِيْمَ وَعَلَى آلِ سَيِّدِنَا إِبْرَاهِيْمَ. وَبَارِكْ عَلَى سَيِّدِنَا مُحَمَّدٍ، وَعَلَى آلِ سَيِّدِنَا مُحَمَّدٍ، كَمَا بَارَكْتَ عَلَى سَيِّدِنَا إِبْرَاهِيْمَ وَعَلَى آلِ سَيِّدِنَا إِبْرَاهِيْمَ، فِي الْعَالَمِيْنَ، إِنَّكَ حَمِيْدٌ مَجِيْدٌ اَللّٰهُمَّ اغْفِرْ لِلْمُسْلِمِيْنَ وَالْمُسْلِمَاتِ، وَالْمُؤْمِنِيْنَ وَالْمُؤْمِنَاتِ، اَلْأَحْيَاءِ مِنْهُمْ وَالْأَمْوَاتِ. اَللّٰهُمَّ أَصْلِحْ بُيُوْتَنَا، وَأَصْلِحْ أَهْلَنَا، وَأَصْلِحْ أَوْلَادَنَا، وَاجْعَلْ بُيُوْتَنَا بُيُوْتًا مُطْمَئِنَّةً بِذِكْرِكَ، مُنِيْرَةً بِطَاعَتِكَ، مَحْفُوْظَةً بِرَحْمَتِكَ. اَللّٰهُمَّ ارْزُقْنَا الرِّفْقَ فِي أَهْلِيْنَا، وَالرَّحْمَةَ فِي بُيُوْتِنَا، وَالْحِكْمَةَ فِي تَرْبِيَةِ أَوْلَادِنَا، وَالْبِرَّ بِآبَائِنَا وَأُمَّهَاتِنَا. اَللّٰهُمَّ اجْعَلْنَا مِنَ الَّذِيْنَ يَسْمَعُوْنَ الْقَوْلَ فَيَتَّبِعُوْنَ أَحْسَنَهُ اَللّٰهُمَّ ادْفَعْ عَنَّا الْغَلَاءَ، وَالْوَبَاءَ، وَالطَّاعُوْنَ، وَالْأَمْرَاضَ، وَالْفِتَنَ، مَا لَا يَدْفَعُهُ غَيْرُكَ، عَنْ بَلَدِنَا هٰذَا إِنْدُونِيْسِيَا خَاصَّةً، وَعَنْ سَائِرِ بِلَادِ الْمُسْلِمِيْنَ عَامَّةً، يَا رَبَّ الْعَالَمِيْنَ. رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ، وَاجْعَلْنَا لِلْمُتَّقِيْنَ إِمَامًا. رَبَّنَا آتِنَا فِي الدُّنْيَا حَسَنَةً، وَفِي الْآخِرَةِ حَسَنَةً، وَقِنَا عَذَابَ النَّارِ عِبَادَ اللّٰهِ، إِنَّ اللّٰهَ يَأْمُرُ بِالْعَدْلِ وَالْإِحْسَانِ، وَإِيْتَاءِ ذِي الْقُرْبَى، وَيَنْهَى عَنِ الْفَحْشَاءِ وَالْمُنْكَرِ وَالْبَغْيِ، يَعِظُكُمْ لَعَلَّكُمْ تَذَكَّرُوْنَ. وَاذْكُرُوا اللّٰهَ الْعَظِيْمَ يَذْكُرْكُمْ، وَاشْكُرُوْهُ عَلَى نِعَمِهِ يَزِدْكُمْ، وَلَذِكْرُ اللّٰهِ أَكْبَرُ