Khutbah Idul Fitri Bahasa Sunda yang Menyentuh Hati: Pesan Silaturahmi, Sedekah, dan Saling Memaafkan

Khutbah Kahiji

الحمد لله الحمد لله الذي أكمل لنا الدين وأتم علينا النعمة وجعل يوم الفطر يوم الجائزة للمؤمنين. أشهد أن لا إله إلا الله وأشهد أن محمدًا عبده ورسوله. اللهم صل وسلم على سيدنا محمد وعلى آله وصحبه أجمعين.

Ma’asyiral Muslimin rahimakumullah

Hayu urang sadaya ningkatkeun rasa syukur ka Gusti Allah SWT anu parantos maparin kasempetan ka urang pikeun ngalaksanakeun ibadah puasa dina bulan Ramadhan sareng ayeuna dipaparin kabagjaan dina dinten raya Idul Fitri.

Allah SWT ngadawuh dina Al-Qur’an:

يَا أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ

Hartina:

“Hei jalma-jalma anu iman, takwa maraneh ka Allah kalayan sabener-benerna takwa, sarta ulah nepi ka maraneh paeh kajaba dina kaayaan muslim.”

Baca juga: Doa Khutbah Idul Fitri yang Menyentuh Hati: Bacaan Penutup yang Sering Membuat Jemaah Menangis

Hadirin anu dimulyakan ku Allah swt,

Dinten Idul Fitri lain ngan saukur waktos kabagjaan sanggeus sabulan urang puasa, tapi oge waktos pikeun ngaraketkeun silaturahmi. Dina Islam, silaturahmi mangrupakeun bagian tina hablumminannas, nyaeta hubungan anu hade antar sesama manusa.

Ku sabab kitu, Islam kacida nyarankeun supaya umatna ngajaga silaturahmi dina kahirupan sapopoe. Sabab sabenerna muslim jeung muslim séjénna téh dulur.

Rasulullah SAW ngadawuh:

يَا أَيُّهَا النَّاسُ أَفْشُوا السَّلَامَ وَأَطْعِمُوا الطَّعَامَ وَصِلُوا الْأَرْحَامَ وَصَلُّوا بِاللَّيْلِ وَالنَّاسُ نِيَامٌ تَدْخُلُوا الْجَنَّةَ بِسَلَامٍ

Hartina:

“Hei sakabeh manusa, sebarkeun salam, pasihan kadaharan, sambungkeun silaturahmi, sarta shalat peuting nalika jalma séjén keur sarare, mangka aranjeun bakal asup ka surga kalayan salamet.” (HR. Tirmidzi)

Dina hadis ieu aya sababaraha amalan anu kacida muliana:

1. Nyebarkeun Salam

Salam mangrupakeun ciri umat Islam. Ku salam urang nguatkeun duduluran jeung ngahudangkeun rasa kanyaah di antara umat.

Rasulullah SAW ngajarkeun adab salam, diantarana: anu leutik méré salam ka anu leuwih kolot, anu saeutik ka anu loba, anu leumpang ka anu cicing.

Salam lain ngan ukur adat kabiasaan, tapi mangrupakeun ibadah anu meunang pahala.

2. Mere Dahareun ka Fakir Miskin

Fakir miskin mangrupakeun amanah ti Allah ka jalma anu dipaparin kalapangan rezeki.

Ku sabab kitu, umat Islam diparentah pikeun ngabantu aranjeunna ku cara zakat, infak, sedekah, jeung wakaf supaya maranehna oge tiasa ngarasakeun kabagjaan.

3. Ngaraketkeun Silaturahmi

Silaturahmi asal kecapna tina “silah” anu hartina ngahubungkeun jeung “rahim” anu hartina kanyaah atawa kadeudeuh.

Allah SWT ngadawuh dina hadis qudsi:

أنا الرحمن خلقت الرحم وشققت لها اسمًا من اسمي فمن وصلها وصلته ومن قطعها قطعته

Hartina:

“Aku Ar-Rahman. Kuring nyiptakeun rahim (silaturahmi) sarta nyokotkeun ngaranna tina Asma-Ku. Sing saha anu nyambungkeun silaturahmi, Kuring bakal nyambungkeun manehna, jeung sing saha anu megatkeun silaturahmi, Kuring bakal megatkeun manehna.”
(HR. Bukhari Muslim)

Rasulullah SAW ogé ngadawuh:

لَا يَدْخُلُ الْجَنَّةَ قَاطِعُ رَحِمٍ

Hartina: “Moal asup ka surga jalma anu megatkeun silaturahmi.”

Sabenerna jalma anu daek ngajaga silaturahmi bakal dipaparin ganjaran ku Allah SWT, nyaeta dipanjangkeun umurna jeung diluaskan rezekina.

4. Shalat Tahajud

Shalat peuting nalika batur keur sarare mangrupakeun tanda deukeutna hiji hamba ka Allah.

Lamun hiji jalma geus biasa hudang peuting pikeun shalat tahajud, mangka haténa bakal leuwih tenang jeung deukeut ka Gusti Allah.

Khutbah Kadua

الحمد لله حمدًا كثيرًا كما أمر، أشهد أن لا إله إلا الله وحده لا شريك له، وأشهد أن محمدًا عبده ورسوله.

Hadirin rahimakumullah

Di nagara urang aya hiji kabiasaan anu hade sanggeus Idul Fitri, nyaeta halal bihalal, silih hampura antara dulur, tatangga, jeung sasama umat Islam.

Hal ieu sabenerna mangrupakeun bagian tina ngajaga silaturahmi jeung ngabersihan hate tina dosa ka sasama.

Sabab dosa aya dua rupa:

1. Dosa ka Allah, anu bisa dihampura ku tobat jeung istighfar.

2. Dosa ka sasama manusa, anu kudu dihampura ku jalma anu dizalimi.

Ku sabab kitu urang kudu daek silih hampura.

Allah SWT ngadawuh dina Al-Qur’an:

وَأَنْ تَعْفُوا أَقْرَبُ لِلتَّقْوَى

Hartina: “Aranjeun daek ngahampura kasalahan batur, eta leuwih deukeut kana takwa.” (QS. Al-Baqarah: 237)

Ku kituna dina dinten anu suci ieu, hayu urang bersihkeun hate urang. Ulah aya deui dendam, ulah aya deui rasa ambek ka sasama.

Baca juga: 5 Contoh Khutbah Idul Fitri Menyentuh Hati: Syukur, Silaturahmi & Maaf

Mudah-mudahan urang sadaya kalebet jalma anu meunang berkah Idul Fitri, balik deui kana fitrah, sarta kalebet golongan anu ditarima amal ibadahna ku Allah SWT.

اللهم اغفر للمسلمين والمسلمات والمؤمنين والمؤمنات الأحياء منهم والأموات. اللهم تقبل منا صيامنا وقيامنا واجعلنا من العائدين والفائزين.

ربنا تقبل منا إنك أنت السميع العليم وتب علينا إنك أنت التواب الرحيم

عباد الله إن الله يأمر بالعدل والإحسان وإيتاء ذي القربى وينهى عن الفحشاء والمنكر والبغي يعظكم لعلكم تذكرون.

والسلام عليكم ورحمة الله وبركاته

Khutbah Bahasa Sunda ini disadur dari buku Khutbah Jumat Petingan jilid I karya Ustaz H. Ahmad Solihin yang diterbitkan oleh Sinar Baru Algensindo tahun 2016